«Бұл жұпта 51% «Барселона» жеңімпаз болады дер едім» — Черчесов ЛЧ жартылай финалындағы «Барса» мен «Интер» арасындағы айқас туралы

1 мамырға қараған түні Чемпиондар лигасының алғашқы жартылай финалдық матчында «Барселона» өз алаңында миландық «Интерді» қабылдайды.

Каталондықтар Дортмундтың «Боруссиясын» (екі матчтың қорытындысы бойынша 5:3) жарқын шабуыл мәнерімен тізе бүктірсе, «Интер» Мюнхеннің «Бавариясын» бар болғаны бір гол айырмасымен — 4:3 есебімен тізе бүктірді.

Sport Pulse Қазақстан құрамасының бұрынғы бас бапкері және еурокубоктық жарыстарда тәжірибесі бар Станислав Черчесовтан командалардың мүмкіндігі туралы сұрап білді.

— «Барселона» мен «Реалдың» матчын көрдім — команда жылдам қозғалады, шабуылдайды, гол соғады. Ойын жүйесі тұрақты, айқын құлдырау жоқ. Қазір негізгі қақпашы — Тер Штеген емес, оның орнын Щенсны басты. Меніңше, өте орынды әрі сенімді ауыстыру болды.

Ал «Интер» күздегі сенімділігін жоғалтып алған сияқты. Шаршау ма? Мүмкін. Ойындары көп, сондықтан да қарқыны төмендеген шығар. Бірақ бұл — жартылай финал. Өз тәжірибемнен білемін, еурокубоктардың жартылай финалында екі рет ойнадым — ол кезде Чемпиондар кубогы мен Кубок иелері кубогы болатын. Мұндай матчтарда команда қандай күйде болса да, соңғы шайқасқа шыққандай ойнайды. Бұл жұпта 51% «Барселона» жеңімпаз болады дер едім, бірақ барлығы ойын өтетін күні клубтың аяқ алысынан белгілі болады.

Матч туралы негізгі ақпарат:

Күні: 1 мамыр

Басталу уақыты: 00:00 (тікелей эфир — 23:50-де басталады)

Стадион: «Льюис Компанис атындағы Олимпиадалық стадион», Барселона

Төреші: Клеман Тюрпен (Франция)

Көрсетілім: Qazsport телеарнасы

Біздің парақшамыздан футбол матчтарының барлық нәтижелерін Live форматта бірінші болып біліңіз!