Букайо Сака «Арсеналмен» келісімшартты ұзартуға ниетті

Daily Mail мәліметінше, Букайо Сака жақын арада «Арсеналмен» жаңа келісімшарт бойынша келіссөздер жүргізе бастайды. Қазіргі келісімнің аяқталуына екі жыл қалды.

23 жастағы қанатшабуылшы команда үшін маңызды ойыншы болып қала береді. 2022 жылы қол қойылған келісімшарт оған маусымына кемінде 10 миллион фунт табыс әкеледі.

Лондондық клуб Саканың болашағына қатысты белгісіздіктен қашқысы келеді, өйткені оған «Манчестер Сити» және басқа да еуропалық алпауыттар қызығушылық танытуда.

Сонымен қатар, «Арсенал» басқа ойыншылардың келісімшарттарын реттеуде. Жазда Томас Партей мен Жоржиньо командадан кетуі мүмкін, ал Леандро Троссардың келісімі келесі жылы аяқталады.