Бүгін «Ролан Гаррос» турнирінде кім жарыс жолына шығады?

Бүгін Франция астанасы Парижде өтіп жатқан «Ролан Гаррос» турнирінің тоғызыншы жарыс күні, деп хабарлайды Sport12.kz.

Бұл күні 1/8 финалда Қазақстанның бірінші, әлемнің 62-ракеткасы Александр Бублик сынға түседі.

Еліміздің үздік теннисшісі ширек финал жолдамасын әлемнің 5-ракеткасы, британиялық Джек Дрейпермен сарапқа салады.

Осыған дейін қос теннисшінің жолы 3 мәрте түйіскен. Оның 1-еуінде Бублик жеңіске жетсе, Дрейпер 2 кездесуді өз пайдасына жазған.

«Сюзанн Ленглен» кортында өтетін кездесу бүгін, 2 маусым сағат 19:00-ге жоспарланған.

Айта кетейік, Франция ашық біріншілігі 8 маусымға дейін жалғасады. Дүбірлі доданың жалпы жүлде қоры 56 352 млн еуроны құрайды.