Бруну Фернандеш Еуропа Лигасында рекорд орнатты

Opta мәліметінше, «Манчестер Юнайтед» жартылай қорғаушысы Бруну Фернандеш Еуропа Лигасында ерекше жетістікке жетті — португалдық ойыншы турнир тарихындағы ең нәтижелі футболшы атанды.

«Реал Сосьедадқа» қарсы өткен 1/8 финалдық ойында Фернандеш керемет өнер көрсетті. Ол екі пенальтиді сәтті орындап, тағы бір гол соқты.

Осылайша, оның турнирдегі нәтижелі әрекеттер саны 41-ге жетті: 24 гол және 17 нәтижелі пас. Бұл — Еуропа Лигасының барлық қатысушылары арасындағы жаңа рекорд.