Британ БАҚ: Сатпаев Челсиде Джексонның орнын басуы мүмкін

TheChelseaChronicle.com мәліметі бойынша, жас қазақстандық шабуылшы Дастан Сатпаев — лондондық «Челсиде» Николас Джексонның орнын басатын басты үміткер.

Алматылық «Қайраттың» он жеті жасар шабуылшысы — келесі жылы кәмелет жасқа толғанда «ақсүйектердің» күтілген күшейтуі болмақ.

Өткен маусымда Сатпаев өзін нәтижелі шабуылшы ретінде көрсетті — оның еншісінде Қазақстан чемпионатында 26 голдық әрекет бар. Жас шабуылшының таланты «Қайраттың» тарихи маусымында ашылды — команда алғаш рет Чемпиондар Лигасының топтық кезеңіне өтіп, онда «Реал» және «Арсеналмен» кездесті.

«Сатпаев келесі екі жыл ішінде Николас Джексонның мұрагері болады деп болжануда, өйткені «Челси» әлі де сенегалдық шабуылшының позициясына тұрақты шешім іздеуде», — делінген британдық басылымның материалында.