Brighton Жоао Педроның трансфері бойынша екі ұсынысты қабылдамады

Brighton Премьер-лига клубтарынан Жоао Педроның трансфері бойынша екі ұсынысты қабылдамады — деп хабарлайды The Athletic.

Клубтардың аты ресми түрде аталмаса да, Chelsea мен Newcastle бразилиялық шабуылшыға белсенді қызығушылық танытуда. Liverpool де ойыншыны бақылап отыр, бірақ әзірге оны сатып алуға нақты қадамдар жасамайды.

Педроны екі жыл бұрын Watford-тан рекордтық 30 миллион фунтқа сатып алған Brighton, 50 миллион шамасындағы ұсыныстарды қабылдамай отыр — клуб кем дегенде 60 миллион фунт сұрайды.

Өткен маусымда 23 жастағы шабуылшы Премьер-лигадағы 27 ойында 10 гол соғып, 6 голдық пас берді. Алайда соңғы турда бапкер Фабиан Хурцелер ойыншыны тәртіптік себептермен құрамнан шығарып тастады.

Педроны кетіп бара жатқан Кристофер Нкункудың орнына қарастырып отырған Chelsea, сонымен қатар Dortmund-тің қанатшабуылшысы Джейми Гиттенспен келіссөздер жүргізуде.