Бразилиялық қақпашы Фабио матч саны бойынша әлемдік рекорд орнатты

«Флуминенсе» қақпашысы Фабио Дейвсон Лопес Масиел футболдағы ресми матчтар саны бойынша жаңа әлемдік рекорд орнатты — оның 1391-ші ойыны Оңтүстік Америка кубогының 1/8 финалында «Америка де Кали» қарсы өтті.

44 жастағы қақпашы — бразилиялық футболдың тәрбиеленушісі — кәсіби мансабын 1997 жылы бастап, бес клубта өнер көрсетті:

• «Униао Бандейранте» (30 матч)
• «Атлетико Паранаэнсе»
• «Васко да Гама» (150 матч)
• «Крузейро» (976 матч)
• «Флуминенсе» (235 матч)

«Мен өмірімнің бір бөлігі болған барлық адамға — әкеме, анама, әпкелеріме, достарыма, жұбайыма алғысымды білдіремін. Мен жақсы адам болуға тырысамын. Ең бастысы — командаластарыма көмектесу. Мен ризамын, бірақ Құдайсыз ештеңе мүмкін болмас еді», — деді Фабио.

Бразилиялық қақпашы жақында «Флуминенсемен» келісімшартын 2026 жылдың желтоқсанына дейін ұзартты — сол кезде ол 46 жасқа толады. Оның еншісінде Либертадорес кубогындағы жеңіс және аңызға айналған италиялық Джанлуиджи Буффонның жетістігінен асып түскен рекордтық 507 «құрғақ» матч бар.