Борнмут Ливерпульдің жас шотландиялық ойыншысын алмақшы

Борнмут Ливерпульмен шотландиялық қанатшы Бен Доакты сатып алу туралы келіссөздер жүргізуде — мәміле жақын дереккөздері хабарлайды.

Мерсисайдтық клуб 19 жастағы футболшы үшін 25 миллион фунт сұрап отыр — ойыншы осы жұмада Борнмутқа қарсы Премьер-лига маусымының ашылу матчына қатыспайтын болады.

Өткен маусымда Доак Мидлсбро сапында жалға алу негізінде өнер көрсетіп, 24 матчта үш гол соғып, жеті нәтижелі пас берді. Үш жыл бұрын Селтиктен ауысқан Ливерпульдің негізгі командасында небары 10 ойын өткізді.

«Біз әлі қалаған жерімізде емеспіз, бірақ трансфер терезесі жабылғанға дейін маңызды қадамдар жасалады», — деді Борнмуттың бас бапкері Андони Ираола.

Данго Уаттараны Брентфордқа 42,5 миллион фунтқа саткан Черриз, Доак үшін сұралған соманы төмендетуге тырысуда. Премьер-лига клубтары мен португалдық Портудың қызығушылығына қарамастан, шотландиялық футболшының қолтаңбасын алуда Борнмут фаворит болып саналады.