Борис Михайлов Ресейдің әлем чемпионатынан шеттетілуін сынға алды

Екі дүркін олимпиада чемпионы Борис Михайлов Ресей құрамасының 2025 жылғы әлем чемпионатынан шеттетілуі туралы пікір білдірді, деп хабарлайды Sport24.

Аңызға айналған хоккейші — әлемнің ең мықты командаларының бірінің қатыспауы турнирдің тартымдылығын жойды деп санайды.

«Хоккейден өтетін әлем чемпионатына деген қызығушылығым жоқ. Онда әлемнің ең күшті құрамаларының бірі – Ресей жоқ. Бұл турнир бізсіз 99 пайызын жоғалтты. Сонымен қатар, алтын медаль үшін бәсекелестік оңайлады», — деді Михайлов.

Атақты спортшының пікірінше, еуропалық елдер Ресейдің қатысуына қарсы — олар Швеция мен Финляндия иеленетін жүлделі орындардан айырылып қалудан қауіптенеді.