Боранбаев Сатпаевтың Челсиге ауысар алдындағы құнын жария етті

«Қайрат» президенті Қайрат Боранбаев «Nobel» YouTube-арнасына берген сұхбатында жас қазақстандық шабуылшы Дастан Сатпаевтың болашағы туралы пікір білдірді.

«Сатпаевтың құны 50 [миллионға] дейін жетуі мүмкін», — деді Боранбаев ойыншының болашақ құны туралы сұраққа жауап бере келе.

Алматы клубының басшысы футболшының мансаптық жолының ерекшелігін атап өтті — Сатпаев 16 жасында Қазақстан Суперкубогы үшін матчта негізгі құрамда дебют жасады. Бұрын ол матч соңында алаңға шықса, қазір бастапқы құрамда ойнайды.

Еске сала кетейік, келесі жазда Дастан Сатпаев Лондонның «Челси» клубының ойыншысы болады — трансфер сомасы төрт миллион фунт стерлингті құрайды.