Бонмати Испанияны Германияны жеңіп, Еуро-2025 финалына шығарды

Айтана Бонмати Еуро-2025 жартылай финалында Испания құрамасына Германияға қарсы тарихи жеңіс әкелді — деп хабарлайды BBC One.

Турнир алдында вирустық менингиттен емделген 27 жастағы жартылай қорғаушы қосымша уақытта жалғыз голды соқты. Бонмати Атенея дель Кастильодан келген пасты шебер өңдеп, қақпаның жақын бұрышына дәл соққы жасады.

«Мен бұл туралы тұтас кітап жаза алар едім. Доп қақпаға кіргенде, мен қосалқы ойыншылар орындығына қарай жүгіріп, жеңісті тойладым. Мұндай матчта гол соғу — ерекше сезім», — деді Бонмати.

Испандықтар тоғызыншы мәрте әрекетте неміс құрамасын алғаш рет жеңіп, Еуропа чемпионатының алғашқы финалына шықты. Шешуші матчта әлем чемпиондары Англия құрамасымен кездеседі.

«Бүгін біз тағы да тарихқа енdік. Біз осындай жетістіктерге жеткен ойыншылар буыны болғанымызды мақтан тұтамыз», — деді «Алтын доптың» екі дүркін иегері.