Бокстан жеңілмеген әлем чемпионы Сеньеса Эстрада мансабын аяқтайды

Кәсіби бокс әлемін күтпеген жаңалық таң қалдырды: минималды салмақтағы абсолютті әлем чемпионы Сенеса Эстрада мансабын аяқтайтынын жариялады. Бұл туралы спортшы өзінің Instagram парақшасында хабарлады. Америкалық боксшы кәсіби рингте 26 жеңіс және бірде-бір жеңіліссіз тамаша рекордпен қош айтысты, оның ішінде 9 жеңіс нокаутпен аяқталған.

Бұл шешім Эстрада үшін мансабындағы ең маңызды жекпе-жектен жеті ай өткен соң қабылданды. Ол Коста-Рикандық Йокаста Валлені жеңіп, әйелдер арасындағы ең төменгі салмақ дәрежесіндегі барлық чемпиондық белбеулерді иеленді. Өзінің қоштасу хабарламасында Эстрада былай деп жазды:

“Құрметті бокс, 23 жылдық қуаныш пен қиындықтар үшін рақмет. Бұл менің өмірімдегі ең нашар және ең керемет жылдар болды. Маған өмір бергенің үшін және басқаларды шабыттандыру мүмкіндігін сыйлағаның үшін алғыс білдіремін. Бірақ мен сені сағынбайтынымды білемін. Өкінішім жоқ. Мен қолымнан келгеннің бәрін жасадым. Бүгін мен 26-0 рекордын аяқтаймын.”

Эстрада өзінің мансабында әйгілі промоутер Том Леффлермен және Геннадий Головкинмен жұмыс істеген болатын. Ол GGG жекпе-жектерінің андеркардында өнер көрсетіп, танымалдылығын арттырған.

Эстраданың бокстан кетуі әйелдер боксының тарихында айрықша із қалдырған мансаптың аяқталғанын білдіреді. Оның жеңістері мен жеңілмеген мәртебесі спорт әлемінде мәңгі есте қалады.