Бокстан әлем чемпионы Валуев Украинада сырттай 15 жылға сотталды

Championat.com хабарлауынша, Украина соты Ресей Мемлекеттік Думасының депутаттар тобына сырттай үкім шығарды — олардың арасында ауыр салмақтағы бокстан бұрынғы әлем чемпионы Николай Валуев және Ресей Хоккей федерациясының президенті Владислав Третьяк бар.

Хмельницкий қалалық соты Валуев пен Третьякқа мүлкін тәркілеп, 15 жыл бас бостандығынан айыру жазасын тағайындады. Тернополь сотында депутат Андрей Картаполов та осындай үкім алды.

Ресей парламентінің барлығы 12 депутаты сот шешіміне ілікті — оларға Украинаның аумақтық тұтастығына қол сұғу айыбы тағылды.