Бокс федерациясының бас хатшысы Данияр Елеусіновтің мансабы туралы пікір білдірді

Қазақстан бокс федерациясының бас хатшысы Мерей Ақшалов «Aqyrys Seitqazy» YouTube-арнасына берген сұхбатында Олимпиада чемпионы Данияр Елеусіновтің мансабы туралы пікір білдірді.

«Данияр Елеусінов әуесқой бокста барлық жеңістерге қол жеткізді — бірақ қазір оның мансабы тоқтап тұр. Бұрынғы промоутермен келісімшарты аяқталғаннан кейін жаңасын таба алмай, көп уақытын жоғалтты. Кәсіби бокста уақыт спортшыға қарсы жұмыс істейді, ал ол жылына бір ғана жекпе-жек өткізеді», — деді Ақшалов.

Қазақстаннан шыққан соңғы Олимпиада чемпионы Елеусінов жақында UFC президенті Дана Уайт пен сауд инвесторы Турки Әл аш-Шейх құрған жаңа лигамен келісімшарт жасасты. Жартылай орта салмақта IBO нұсқасы бойынша әлем чемпионы атанған боксшы соңғы кәсіби жекпе-жегін сегіз ай бұрын Алматыда өткізіп, филиппиндік Джо Нойнайды мерзімінен бұрын жеңді.