BLAST.tv Major 2025: іріктеу сайыстары әлемнің алты аймағында өтеді

BLAST.tv Austin Major 2025 ұйымдастырушылары Major Regional Qualifiers (MRQ) турнирлерінің онлайн форматта өтетінін хабарлады. Бұл ақпарат билеттер сатылымының басталуына арналған стрим барысында айтылды.

Valve бастапқыда жаңа форматта үш аймақ болатынын мәлімдегенімен, BLAST жарыстардың кеңейтілген құрылымын ұсынды. Іріктеулер алты аймақта өтеді:
• Еуропа
• Қытай
• Батыс Азия
• Океания
• Солтүстік Америка
• Оңтүстік Америка

Аймақтар арасындағы квоталарды бөлу туралы мәліметтер әзірге жарияланған жоқ. Бұрынғы RMR жүйесін алмастырған жаңа MRQ форматы 2025 жылдың басында таныстырылған болатын. Остиндегі турнир осы жүйе қолданылатын алғашқы жарыс болмақ.

BLAST.tv Austin Major 2025 АҚШ-та 3-22 маусым аралығында өтеді, ал MRQ іріктеу кезеңдері сәуірдің ортасына жоспарланған.