BLAST.tv Austin Major 2025 турнирінің талисманы — Эйс атты сиыр бас сүйегі

BLAST.tv Austin Major 2025 ұйымдастырушылары Counter-Strike 2 бойынша алдағы турнирдің ресми талисманын — Эйс атты сиыр бас сүйегін таныстырды, деп хабарлайды BLAST-тың X-тегі ресми парақшасы.

Чемпионат 2-22 маусым аралығында өтеді — оған 32 команда қатысып, $1,25 млн көлеміндегі жүлде қорын сарапқа салады. Еуропалық іріктеу турнирі 14-17 сәуір аралығында онлайн форматта өтеді.

Турнир қатысушылардың жаңартылған жүйесі бар алғашқы мейджор болады — бұған дейін Valve чемпионаттарына 24 ұжым қатысатын. Негізгі кезең мен іріктеу турнирлеріне шақырулар Valve-тің аймақтық рейтингтері негізінде бөлінеді.