«Бешикташ» президенті Фернандеш трансфері бойынша келіссөзден бас тартты

Championat.com мәліметі бойынша, түрік клубының президенті Сердар Айдали жартылай қорғаушының трансфері бойынша «Спартакпен» келіссөздер жүргізуден бас тартты.

Журналист Тугба Хаджибайрамоглу X әлеуметтік желісінде хабарлағандай «қызыл-ақ» клубтың бас директоры Олег Малышев Стамбулға келді. Алайда «Бешикташ» басшысы кездесуге келіспеді.

Дереккөз мәскеулік клуб ЦСКА-ның бұрынғы жартылай қорғаушысы Бақтияр Зайнутдиновты (бір жарым жыл бұрын түрік клубына ауысқан) мәмілеге қосу нұсқасын қарастырғанын айтады.

«Бешикташтың» жаңа бас бапкері Уле-Гуннар Сульшер ағымдағы трансферлік-терезеде Фернандешты сатуға қарсы. Айта кету керек, түрік клубы бұған дейін «Спартак» пен «Зениттің» ұсыныстарын қабылдамаған.