«Бешикташ» өз алаңында «Газиантепке» есе жіберді

Түркия Суперлигасының 27-турында «Бешикташ» өз алаңында «Газиантептен» 1:2 есебімен жеңілді.

Матчтың 31-ші минутында Чиро Иммобиле пенальтиден гол соғып, алаң иелерін алға шығарды. Алайда, үзілістен кейін Арда Кызылдаг есепті теңестірді. 77-ші минутта «Газиантептің» ойыншысы Бруно Виана алаңнан қуылғанына қарамастан, қонақтар ойынның аяқталуына үш минут қалғанда Фуркан Соялптың соққан голының арқасында жеңіске жетті.

«Бешикташтың» қазақстандық жартылай қорғаушысы Бақтиер Зайнутдинов жарақатына байланысты бұл кездесуге қатыспады. Бұл жеңілістен кейін стамбұлдық клуб 44 ұпаймен турнир кестесінде төртінші орында қалса, «Газиантеп» 35 ұпаймен сегізінші орынға көтерілді.