«Бешикташ» Еуропа лигасынан ұшып кетті

Еуропа лигасының жалпы кезеңінің 8-ші турында түріктің «Бешикташ» командасы сырт алаңда голландиялық «Твентеден» жеңіліп қалды, деп хабарлайды Prosports.kz.

Матч 1:0 есебімен Твентенің жеңісімен аяқталды. 76-минутта Дэн Ротс гол соқты. Бұл матчта Қазақстан құрамасының жартылай қорғаушысы Бактияр Зайнутдинов алаңға шықпады.

Тоғыз ұпай еншілеген «Бешикташ» плей-офф кезеңінен тыс қалды. Еске салайық, турнир ережесіне сәйкес, 1-8-ші орын алған командалар тікелей 1/8 финалға өтеді, ал 9-24-ші орындардағы командалар плей-офф матчтарында ойнайды.

Бактиёр Зайнутдинов биылғы маусымда «Бешикташ» сапында 12 матчқа қатысып, бір нәтижелі пас берді.

Біздің парақшамыздан футбол матчтарының барлық нәтижелерін Live форматта бірінші болып біліңіз!