Бешикташ Чиро Иммобилемен келісімшартты бұзғанын жариялады

Түркияның «Бешикташ» клубы Чиро Иммобилемен әріптестікті тоқтату туралы ресми түрде жариялады — клубтың ресми сайтында хабарланды.

«Кәсіби футболшы Чиро Иммобилемен келісімшарт бұзылды. Біз Иммобилеге клубымыз алдындағы еңбегі үшін алғыс айтып, болашақ мансабына сәттілік тілейміз»

35 жастағы италиялық шабуылшы клубтан өзара келісім бойынша кетеді — өтемақы сомасы 2,625 миллион еуроны құрайды.

Еске сала кетейік, Иммобиле өткен жазда «Лациодан» 3 миллион еуроға стамбулдық клубқа ауысып, екі жылдық келісімшартқа қол қойған болатын. «Бешикташ» құрамында бір маусымда 41 ойын өткізіп, 19 гол соқты.