«Бернабеудегі» шайқас: «Реал» «Барселонаны» қуып келеді, ал «Валенсия» аман қалу үшін күресуде

Бүгін, 5 сәуірде, Мадридтегі әйгілі «Сантьяго Бернабеу» стадионында Испания Ла Лигасының 30-турынның орталық матчы өтеді. Бұл кездесуде мадридтік «Реал» аяқдопшылары «Валенсияны» қабылдайды. Маусымның соңында қос команданың мақсаттары әр түрлі.

«Реал» және «Валенсия» соңғы рет 12-ші турда кездескен. Сол кезде мадридтіктер 2:1 есебімен жеңіске жеткен болатын. Қазір Карло Анчелоттидің шәкірттері чемпиондық бәсекеде «Барселонаны» қуып жетуге тырысуда. «Реал» 29 матчта 63 ұпай жинап, турнир кестесінде екінші орында тұр, каталондықтардан бар болғаны үш ұпайға қалып отыр.

Ал «Валенсия» керісінше, кестенің төменгі бөлігінде – 31 ұпаймен 16-сатыда орналасқан. Команда Ла Лигадағы орнын сақтап қалу үшін күресуде және тіпті ірі қарсыласқа қарсы ойында да ұпай алуға барын салмақ.

Сондықтан бүгінгі кездесу тартысқа толы болады: «Реал» үшін бұл – чемпиондыққа жақындау мүмкіндігі, ал «Валенсия» үшін – турнирден «ұшып» кету қаупінен аман қалу.

Матч Қазақстан уақыты бойынша 19:15-те басталады, ал оны тікелей эфирде мына сілтеме арқылы көруге болады. Кездесудің бас төрешісі – испандық Гильермо Куадра Фернандес.

Біздің парақшамыздан футбол матчтарының барлық нәтижелерін Live форматта бірінші болып біліңіз!