Бельгиялық қақпашы Ламменс Манчестер Юнайтедке ауысуға жақын

Саша Тавольери журналисінің мәліметінше, Сенне Ламменс ағылшын грандына ауысу қарсаңында тұр.

«Антверпен» мен «Манчестер Юнайтед» 23 жастағы қақпашының трансфері бойынша келіссөздердің соңғы кезеңіне шықты — бельгиялық клуб трансфер терезесі жабылғанға дейін мәмілені сәтті аяқтауға сенімді.

Тараптар трансфер сомасын 25 миллион еуро көлемінде келісті, ал Ламменстің өзі манкундықтармен бес жылдық келісімшартқа қол қоюға келісімін берді.

Ағымдағы маусымда бельгиялық қақпашы ұлттық біріншілікте төрт матч өткізіп, төрт гол жіберіп алды.