Бельгия клубы Уэльс құрамасының бұрынғы бапкерін қызметінен босатты

Бельгияның «Ауд-Хеверле Левен» клубы бас бапкер Крис Коулменді қызметінен босату туралы хабарлады.

55 жастағы маман команданы өткен жылдың қараша айының соңында — кипрлік «АЕЛ Лимасол» клубымен келісімшартты бұзғаннан кейін бірден басқарды. Коулменнің жетекшілігімен клуб жоғары дивизионда орнын сақтап қалды, жеті жеңіс, он тең ойын және он жеңіліс тіркеді.

«Коулменнің басшылығымен команда еурокубоктарға қатысу құқығы үшін плей-оффқа жолдама алды. Алайда бұл кезеңдегі нәтижелер күткеннен төмен болды, сондықтан клуб келесі маусым алдында бапкерді ауыстыру туралы шешім қабылдады», — делінген «Левеннің» мәлімдемесінде.

Коулменмен бірге оның көмекшісі Георгиос Коракакис те командадан кетеді. Бас бапкер қызметіне негізгі үміткер ретінде «Андерлехттің» бұрынғы жаттықтырушысы Давид Юбер қарастырылуда.