Бельгия ӘЧ-2026 іріктеуінде Уэльсті жеңіп алды

2026 жылғы әлем чемпионатының іріктеу кезеңінде Бельгия құрамасы Уэльс командасын қабылдап, 4:3 есебімен жеңіске жетті.

Үй иелері ойынның басынан бастап басымдылық танытты — 15-ші минутта Ромелу Лукаку пенальтиді сәтті орындады. Юри Тилеманс пен Жереми Доку 19-шы және 27-ші минуттарда есепті еселей түсті.

Қонақтар қарсылық көрсетіп, үзіліс алдында Харри Уилсон есеп айырмашылығын қысқартты, ал екінші таймда Сорба Томас пен Бреннан Джонсон теңдікті орнатты. Ойынның соңғы сөзін Кевин де Брюйне айтты — ол Тилеманстың пасынан кейін 88-ші минутта жеңіс голын соқты.

Бұл кездесуден кейін Уэльс жеті ұпаймен топта екінші орында қалса, Бельгия екі ойында төрт ұпай жинап, үшінші орынға жайғасты.