Белгілі журналист олимпиада чемпионының Астанадағы өнерін сынға алды

Saturday Night Boxing және Ring Magazine басылымдарының белгілі журналисі Адам Абрамовиц Баходир Жалоловтың (15-0, 14 КО) Астанадағы өнерін сынға алды.

Өзбекстаннан шыққан екі дүркін олимпиада чемпионы — кәсіби мансабында алғаш рет украиналық боксшы Игорь Шевадзуцкиймен (12-3, 10 КО) жекпе-жегін мерзімінен бұрын аяқтай алмады.

«Бұл жекпе-жектің он раундқа созылғанына сене алар емеспін. Жалоловтың өнері әлсіз болды», — деп атап өтті сарапшы X әлеуметтік желісінде.

Он раундтық жекпе-жек өзбекстандық ауыр салмақтағы боксшының төрешілердің бірауызды шешімімен жеңісімен аяқталды.