Белгілі файтер әрі блогер Дәулет Уссербайға әнші 1 миллион теңге сыйлады

Белгілі қазақстандық әнші Ұланғасар Кәми Алматыда өткен Naiza 67 турнирінде жеңіске жеткен спортшы Дәулет Өсербайға 1 миллион теңге көлемінде ақшалай сыйақы берді, деп хабарлайды Meta-ratings.kz.

22 қыркүйекте Алматыда қазақстандық актер және спортшы Дәулет Өсербай (4-1-0) ММА бойынша ирандық спортшы Давуд Абединзадечадорчимен (2-1) жекпе-жек өткізіп, бірінші раундта сабмишенмен жеңіске жетті.
Ұланғасар Кәми жекпе-жек алдында спортшыны өзінің «Жалғызым — қазақ» хитін орындап шығарып, жеңіске жеткен жағдайда Өсербайға 1 миллион теңге сыйақы беруге уәде еткен еді.
«Біздің қазақ батырлары жеңіске жеткенде ақша аяудың қажеті жоқ. Ең бастысы, олар біздің туды көкке көтереді. Дәулет жеңді, мен оған уәде еткен сыйақымды бердім», — деді Ұланғасар турнирден кейін.

Айта кетейік, қазақстандық актер Дәулет Өсербай кәсіби ММА-да 5 жекпе-жек өткізіп, оның төртеуінде жеңіске жетіп, біреуінде жеңіліс тапқан.