Бекзат Алмахан UFC 315 турнирінде Брэд Катонамен кездесуге дайындалуда

Sportnews.kz хабарлауынша, қазақстандық жауынгер Бекзат Алмахан октагонға екінші рет шығуға дайындалып жатыр. Оның жекпе-жегі 2025 жылдың 10 мамырында Монреальде өтетін «UFC 315» турнирі аясында ұйымдастырылады.

Алмаханның қарсыласы — UFC-дегі 4-4 рекорды бар, Brave CF ұйымының бұрынғы чемпионы Брэд Катона. Спортшының менеджері Нураддин Садыков жекпе-жек ұйымдастырудың егжей-тегжейін бөлісіп, келесі жайттарды айтты:

«UFC — қарсылас таңдауға мүмкіндік бермейтін ұйым. Олар есім мен жекпе-жек күнін ұсынады, сен тек келісесің. Ресми келіссөздер 10 күнге созылды, себебі турнир белгілі бір себептермен (мүмкін саяси) өткізілмей қалу қаупі бар еді».

Садыков Алмаханның бастапқыда ақпан-наурыз айларына дайындалғанын атап өтті, бірақ жауынгердің қазіргі формасы керемет болғандықтан, қарсыластың кім екені маңызды емес екенін айтты.

Еске сала кетейік, Бекзат Алмахан UFC-дегі дебютінде Омар Нұрмағомедовпен кездесіп, төрешілердің шешімімен жеңілген болатын. Осы жолы спортшының жеңіске деген құлшынысы ерекше.