Бекхэм МЮ ойыншыларының Азиядағы құрметсіз мінез-құлқын сынға алды

Sky Sports мәліметінше, Дэвид Бекхэм «Манчестер Юнайтед» ойыншыларының Азия турнесі кезіндегі мінез-құлқына наразылық білдірді.

Куала-Лумпурда Оңтүстік-Шығыс Азия жұлдыздар құрамасынан жеңілгеннен кейін — жартылай қорғаушы Амад Диалло жанкүйерлерге әдепсіз ишара көрсетсе, Алехандро Гарначо оны түсіріп жатқан жанкүйермен қақтығысқа түсті.

«Біз «Манчестер Юнайтед» үшін ойнаудың не екенін түсіндік. Бұл эмблеманың қандай мағынасы бар екенін білдік. Қай жерге барсақ та, Еуропа немесе Азия болсын, біз жанкүйерлерді құрметтедік. Олардың бізді көру, қолтаңба алу немесе суретке түсу үшін ақша төлеп келгенін құрметтедік. Мұны құрметтеу керек», — деді Бекхэм CBS Sports-пен әңгімесінде.

The Times мәліметі бойынша, манкунианцтер футболшылары турне ұйымдастырылуына наразы — отбасымен демалудың орнына, клубқа 8 миллион фунт әкелген коммерциялық турнеге қатысуға мәжбүр болды.