Бавария құрметті президенті футболдағы жазғы трансферлерді сынға алды

Bild мәліметінше, Мюнхен «Бавариясының» құрметті президенті Ули Хенесс трансфер нарығындағы қазіргі жағдайды сынға алды.

Берлиндегі Неміс футбол лигасының гала-кешінде функционер әлемдік футболдағы соңғы оқиғалар туралы өз пікірін білдірді:

Соңғы алты-сегіз апта ішінде халықаралық футболда болып жатқан жағдайлар мені таңқалдырды. Мүлдем ақылға сыймайтын сомалар. Бір сәтте қарапайым адам: «Олар ақылынан адасты ма?» деп айтады.

Хенесс сондай-ақ неміс клубтарын даму жолын жалғастыруға шақырды:

Біз күш көрсетіп, арабтар мен америкалық хедж-қорлардың ақшасын қабылдамауымыз керек. Біз, неміс футболы, өз жолымызбен жүруіміз керек. Мен осы залдағы барлық адамдарды бәрін бұзатын ақшаны қабылдамауға шақырамын.