Бавария Луис Диасты трансферлеуге жаңа ұсыныс дайындауда

Sky Sport мәліметі бойынша, Бавария қанатшабуылшы Луис Диасты трансферлеу туралы келіссөздерді жалғастыруда — 67,5 миллион еуролық алғашқы ұсыныс Ливерпуль тарапынан қабылданбады.

Неміс алпауыты колумбиялық футболшы үшін жақсартылған ұсыныс жасауға ниетті — мюнхендіктер ойыншыға 2029 немесе 2030 жылға дейін келісімшарт ұсынуға дайын.

Өткен АПЛ маусымында Диас нәтижелі науқан өткізді — қанатшабуылшының еншісінде 36 ойында 13 гол мен 5 нәтижелі пас бар.

«Ойыншының өзімен толық келісім әлі жоқ, бірақ бұл мәселе болмайды», — деп хабарлайды Sky Sport журналисі Флориан Плеттенберг.