Батыр Жүкембаев WBC чемпионы Альберто Пуэльомен кездесуі мүмкін

Sports.kz сайтының хабарлауынша, қазақстандық боксшы Батыр Джукембаев (23-1, 17 КО) бірінші жартылай орта салмақта WBC әлем чемпионы атағына таласуға ниет білдірді. Ол Доминикан Республикасынан шыққан жеңілмеген WBC чемпионы Альберто Пуэльомен (23-0, 10 КО) кездесуге дайын екенін мәлімдеді. Джукембаев бұл тілегін X әлеуметтік желісі арқылы жариялап, былай деп жазды: «Маған бұл жартылай орта салмақтағы WBC әлем чемпионы белбеуі керек. Альберто Пуэльо, давай сделаем это!»

Қазақстандық боксшы өз жазбасында WBC, оның президенті Маурисио Сүлейманның және ProBox TV ұйымының ресми аккаунттарын белгілеп, алдағы жекпе-жекке қолдау білдіруді сұрады. Соңғы жекпе-жегінде Джукембаев 22 мамырда Флорида штатындағы Плант-Ситиде украин боксшысы Иван Редкачты (24-8-1, 19 КО) нокаутқа түсіріп, жеңіске жеткен болатын.

Қазіргі уақытта Джукембаев WBC рейтингінде 29-шы орында тұр.