«Барысқа» жаңа қорғаушы қосылды

Астаналық «Барыс» хоккей клубы канадалық қорғаушы Тайлер Уозерспунмен келісімшартқа қол қойды. Тәжірибелі ойыншымен жасалған келісім 2026 жылдың 31 мамырына дейін күшінде болады.

Уозерспун бұған дейін АХЛ-де 700-ден астам матч өткізіп, НХЛ-да 36 ойынға қатысқан. Сондай-ақ, ол 2022 жылғы Бейжің Олимпиадасында Канада құрамасының сапында өнер көрсетті. Өткен маусымда Тайлер «Монреаль Канадиенс» клубының фарм-командасы – «Лаваль Рокет» сапында 79 кездесу өткізіп, 2 шайба соғып, 16 нәтижелі пас берген.

29 жастағы хоккейшінің бойы – 188 см, салмағы – 94 кг. Ол сол жақ қапталда ойнайды.