«Барыс» үш легионермен келісімшартты бұзды

«Астана» клубының баспасөз қызметінің хабарлауынша, «Барыс» хоккей клубы үш легионермен келісімшартты бұзу туралы шешім қабылдады. Клуб қорғаушылар Натан Болье, Уилл Батчер және шабуылшы Майкл Маклеодпен ынтымақтастықты тоқтатты. Бұл бастаманы клуб көтерген, ал ойыншыларға өтемақы төленген.

Аталған хоккейшілер жазғы маусымаралық кезеңде командаға қосылған болатын, бірақ ҚХЛ-дың ағымдағы маусымындағы олардың статистикасы клуб үшін жеткіліксіз деп танылды: Болье 8 матчта бір нәтижелі пас берсе, Батчер 15 ойында 3 нәтижелі пас жасады, ал Маклеод 16 матчта 6 ұпай (3 гол және 3 пас) жинады.

Сонымен қатар, клубта басшылық деңгейінде айтарлықтай өзгерістер болды. Нұрлан Оразбаев клубтың жаңа бас директоры қызметіне тағайындалды, ал Ғалым Мамбеталиев бас бапкер лауазымын алды.

«Барыс» командасы соңғы ҚХЛ матчында Уфаның «Салават Юлаев» командасына 2:3 есебімен жеңіліп қалды. Келесі матч 19 қазанда Ярославльдің «Локомотивімен» өтеді.