«Барыс» тартысты ойында жеңіске жетті

«Барыс» ҚХЛ маусымының екінші турында өз үйінде «Амурды» қабылдап, тартысты ойында жеңіске жетті.

Алғаш болып қонақтар сапынан Ли мен Дубакин көзге түсіп, есепті 0:2-ге жеткізді. Дегенмен екінші кезеңнің екінші жартысында астаналықтар қайсар мінез танытып, Уолш, Савицкий және Галимов соққан шайбалардың арқасында алға шықты – 3:2.

Үшінші кезең басында «Амурдың» хоккейшісі Петков таразы басын теңестірді. Негізгі уақыт 3:3 есебімен аяқталып, овертаймда да жеңімпаз анықталмады.

Буллит сериясында шешуші соққыны Константин Савицкий салып, «Барысқа» маңызды жеңіс сыйлады – 4:3.

Осылайша елордалық клуб 11 ойынға созылған «Амурдан» жеңілісті серияны тоқтатты. Және екі команда арасындағы кездесуде жеңістер саны бойынша басым түсті 28-27.