«Барыс» «Сібірмен» ойында жеңіліс сериясын тоқтатуға тырысады

Бүгін, 14 қазанда, астаналық «Барыс» КХЛ тұрақты чемпионатының үйдегі ойынында новосібірлік «Сібірмен» кездеседі.

Кездесу трансляциясы — Астана уақыты бойынша сағат 19:00-де басталады — «Qazsport» телеарнасында көрсетіледі.

Михаил Кравец командасы 15 ойында 13 ұпай жинап матчқа келсе, новосібірлік клуб 13 кездесуде 12 ұпай жинады.

«Барыс» қиын кезеңді бастан кешуде — астаналық клуб қатарынан бес рет жеңілді:

• нижегородтық «Торпедодан» — 3:5
• ярославльдік «Локомотивтен» — 1:5
• новосібірлік «Сібірден» — 0:1
• қазандық «Ак Барстан» — 3:4
• челябілік «Трактордан» — 2:3

«Сібір» өзінің соңғы ойынында нижнекамскілік «Нефтехимикті» буллиттер сериясында 3:2 есебімен жеңді.