«Барыс» Ромазан мемориалында «Металлургке» есе жіберді

Елордалық «Барыс» бүгін шайбалы хоккейден маусым алдындағы дәстүрлі Иван Ромазан мемориалы аясында үшінші ойынын Ресейдің «Металлург» (Магнитогорск) клубына қарсы өткізді.

Кездесудің 26-минутында ресейлік Роман Канцеров есеп ашты. Арада сегіз минут өткенде Аңсар Шайхмедденов таразы басын теңестірді. Дегенмен, 54-минутта Дмитрий Силантьев соққан шайба «Металлургке» жеңіс әкелді.

Осылайша «Барыс» қарсыласына 1:2 есебімен жол берді. Бұған дейін астаналық клуб Уфаның «Салават Юлаевын» 4:3 есебімен ұтып, алғашқы жеңісіне қол жеткізген еді.

Айта кетейік, Қазақстандық клуб жаңа маусымдағы алғашқы үш кездесуін елордада өткізеді. 7 қыркүйекте «Трактормен» (Челябинск), 9 қыркүйекте «Амурмен» (Хабаровск), ал 13 қыркүйекте Беларусьтің «Динамо» (Минск) клубымен шеберлік байқасады.