«Барыс» Қазақстан құрамасының шабуылшысымен сынақ келісімшартын жасасты

«Барыс» баспасөз қызметі Қазақстан құрамасының шабуылшысы Вячеслав Колесниковпен сынақ келісімшартына қол қойғанын хабарлады — келісім 2025 жылдың 31 тамызына дейін жарамды.

Челябинск «Мечелінің» 24 жастағы тәрбиеленушісі өткен маусымда астаналық «Номад» сапында өнер көрсетті — шабуылшы 38 ойында 25 ұпай жинады (13 шайба және 12 нәтижелі пас).

Өткен әлем чемпионатында Колесников топтық кезеңнің жеті кездесуінде бір шайба салды. Айта кетейік, «Барыс» аяқталған КХЛ тұрақты чемпионатында Шығыс конференциясының 12-орнын иеленді — команда 68 ойында 54 рет жеңіліс тауып, 35 ұпай жинады.