«Барыс» Оливье Родригемен келісімшартты бұзуы мүмкін

Инсайдер Артур Хайруллиннің айтуынша, Коннор Макдэвидтің «Эдмонтон Ойлерздегі» бұрынғы әріптесі ойнауға кедергі келтіретін жарақатпен келген, деп хабарлайды Prosports.kz.

Айта кетейік, 14 тамызда қазақстандық клуб 25 жастағы қақпашымен бір жылдық келісімшартқа отырған болатын. Родригенің жалақысы бір маусымда шамамен 190 000 000 теңге болды.

«Менің ақпаратым бойынша, «Барыс» жақын арада осы маусымаралықта қол қойған қақпашы Оливье Родригемен келісімшартты бұзуы мүмкін. Ойыншы алаңға ойнауға кедергі келтіретін жарақатпен келген», — деді Хайруллин.

Өткен маусымда Родриге Ұлттық хоккей лигасында дебют жасады, сонымен қатар AHL-де «Бейкерсфилд Кондорс» үшін 41 матч өткізді. Оливье әр ойынға орта есеппен 3,12 шайба жіберіп, соққылардың 89,7% тоқтатты.