Барыс Колдер Кубогының екі дүркін иегерімен келісімшартқа отырды

Астаналық «Барыс» қорғаныс шебін күшейтті — клуб Джейк Массимен келісімшартқа отырды, деп хабарлайды команданың баспасөз қызметі. 28 жастағы канадалықпен келісім 2026 жылдың 31 мамырына дейін жасалған.

Масси — 2015 жылғы НХЛ драфтында таңдаған «Каролина» жүйесінің тәрбиеленушісі, алайда қорғаушы ең үлкен жетістіктерге «Вашингтонның» фарм-клубы — «Херши Беарс» құрамында жетті, онымен бірге Колдер Кубогын екі рет жеңіп алды. Өткен маусымда хоккейші АХЛ-де 23 ойын өткізіп, 2 гол соғып, 2 нәтижелі пас берді.

Ойыншы профилі:

• Туған күні: 21 қаңтар 1997 жыл
• Амплуасы: қорғаушы
• Бойы: 185 см
• Салмағы: 91 кг
• Таяқ ұстауы: сол жақ