«Барыс» КХЛ-дағы үйдегі ойында мәскеулік «Динамоны» ойсырата жеңді

КХЛ тұрақты чемпионатының матчында астаналық «Барыс» мәскеулік «Динамоны» сенімді түрде жеңді — кездесу есебі 5:2 болды.

Қонақтар есепті матчтың 40-шы секундында ашты — шайбаны Комтуа салды. Екінші кезеңде үй иелері бастаманы өз қолдарына алды — Ансар Шайхмедденов пен Вячеслав Колесников көп ойыншымен ойнау кезінде гол соқты.

Соңғы жиырма минутта Майкл Веккьоне дубль жасады, ал Алихан Өмірбеков соңғы есепті белгіледі — астаналық клуб турнирдің фавориттерінің бірін сенімді түрде ұтты.

Бас бапкер Михаил Кравец матчқа келесі құрамды шығарды:

• Шутов (Шестаков)
• Масси-Уолш, Галимов-Морелли-Веккьоне
• Маккошен-Бреус, Савицкий-Өмірбеков-Қайыржан
• Бекетаев-Данияр, Асетов-Волков-Колесников
• Королев, Симонов-Шайхмедденов-Мұхаметов

«Барыс» келесі матчын магнитогорлық «Металлургпен» сырт алаңда өткізеді.