«Барыс» Гагарин кубогының финалисін жеңді

Астаналық «Барыс» Құрлықтық хоккей лигасының тұрақты чемпионаты аясында өз мұз айдынында челябілік «Тракторды» тізе бүктірді.

Маусымдағы алғашқы матч «Барыс Аренада» өтіп, қосымша уақытта алаң иелерінің 4:3 есебімен жеңісімен аяқталды.

Жеңімпаздар сапында Ансар Шайхмедденов, Кирилл Савицкий, Тайс Томпсон және Райли Уолш голдың авторы атанды.

Ал челябілік клубтан Джошуа Ливо, Михаил Горюнов-Рольгизер және Пьеррик Дюбе шайба соқты.

Маусымдағы алғашқы жеңіс астаналықтарға екі ұпай алып, Шығыс конференциясында екінші орынға көтерілуге мүмкіндік берді.