«Барыс» бас директоры маусым қорытындысын жариялады

«Барыс» клубының бас директоры Нұрлан Оразбаев БАҚ өкілдерімен кездесуде аяқталған маусымның қорытындысын шығарды.

«Жақсы, өте маңызды маусым өткіздік — жаңа команда қалыптасты. Біздің тәрбиеленушілерді ойнату басты міндет болды. КХЛ-да 16 ойыншымыз дебют жасады, олардың қатарында ұлттық және жастар құрамасының мүшелері бар. Сонымен қатар, 14 хоккейшіні фарм-клубқа жібердік, оның жетеуі 2007 жылы туған», — деді клуб басшысы.

Оразбаевтың айтуынша, командада жағымды микроклимат қалыптасқан — ойыншылар бір-бірін қолдайды және кінәліні іздемейді. Нәтижелерге қарамастан, клуб мамандардың, жаттықтырушылардың және ата-аналардың назарын аударуда.

«Өкінішке орай, КХЛ-дың көптеген клубтарында осындай мәселе бар — нәтиже қуып, жергілікті тәрбиеленушілер аз ойнайды. «Челябіде» де, «Омбыда» да тұтас академия бар, бірақ онда да өз ойыншылары аз», — деп атап өтті бас директор.