«Барыс» бас бапкері жанкүйерлер сынына жауап берді

Барыс» бас бапкері команданың нәтижелеріне қатысты жанкүйерлердің сынына пікір білдірді. Оның айтуынша, көптеген ойыншыларға тәжірибе жинау үшін көбірек матч өткізу қажет.

«Әркімнің өз пікірі бар, әркім өзінше ойлай алады. Жігіттер бар күшін салды, бірақ көбісі бұл деңгейге сай емес. Оларды дайындау керек, тәжірибе жинақтауы қажет», — деді бапкер.

Сондай-ақ, бапкер бес хоккейшінің командадан кететінін растады — Жафяров, Бочаров, Хохлов, Сетдиков және Бурдасов.

Мамыр айының соңына дейін клуб қалған ойыншылармен жаттығуын жалғастырады, оларға «Номад» пен «Снежные Барсы» хоккейшілері қосылады.

Бапкер Азиада кезінде өздерін жақсы көрсеткен жас ойыншылардың прогресін ерекше атап өтті — Симонов, Логвин, Жүсіпбеков, Кеңесбай және Маңғысбаев.

Жарақаттарға қатысты сұрақтарға жауап бере отырып, бапкер жаттығу тәсілін өзгерткенін айтты — енді барлық жүктеме мұзда орындалады, ал жерде жарақат алу қаупі бар жаттығулар алынып тасталды.