«Барыс» «Ак Барс» командасынан төртінші рет қатарынан жеңілді

КХЛ тұрақты чемпионатының кездесуінде астаналық «Барыс» өз алаңында қазандық «Ак Барс» командасына 1:2 есебімен жол берді.

Үй командасының бас бапкері Михаил Кравец келесі құрамды алаңға шығарды:

• Шил (Шутов)
• Масси-Уолш, Мухаметов-Морелли-Веккьоне
• Маккошен-Данияр, Симонов-Омирбеков-Қайыржан
• Бекетаев-Бреус, Ляпунов-Шайхмедденов-Колесников
• Королев, Оспанов-Логвин-Волков

Астана командасының жаңа ойыншысы Адам Шил матчтың 14-ші секундында шайба жіберіп алды — қонақтар Алистров арқылы есеп ашты. Үшінші кезеңнің басында Дыняк қазандықтардың басымдылығын еселеді, оған Майкл Веккьоне дәл лақтырумен жауап қайтарды — 1:2.

Кравец шәкірттері үшін бұл төртінші қатарынан жеңіліс болды. «Барыс» келесі ойынын 27 қыркүйекте өткізеді — команда новосибирлік «Сибирьді» қабылдайды.

«Біз Қазанды толығымен ойнап тастадық», — деп матч нәтижесін түсіндірді «Барыстың» бас бапкері Михаил Кравец.