«Барселонаның» бұрынғы қақпашысы Месси мен Луис Энрике арасындағы қақтығыс туралы айтты

Euro-football.ru хабарлауынша, «Барселонаның» бұрынғы қақпашысы Хорди Масип Лионель Месси мен Луис Энрике арасындағы шиеленісті қарым-қатынастың егжей-тегжейін ашты.

Қазіргі уақытта «ПСЖ-ді» жаттықтырып жүрген испандық маман каталон клубын 2014 жылдан 2017 жылға дейін басқарған. Дәл осы кезеңде команданың аргентиналық жұлдызымен қақтығыс орын алған.

«Олардың арасында шынымен де шиеленіс болды, бірақ төбелеске дейін жеткен жоқ. Бұл сол кездегі команданың жағдайын ескерсек, қалыпты жағдай еді. Көп ұзамай ‘Барселона’ требл жеңіп алды, сондықтан мұның ешқандай қорқынышты жері болған жоқ», — деп еске алды жақында мансабын аяқтаған 36 жастағы Масип.