«Барселона» жас таланты клубпен келісімшартты ұзартуға ниетті

Жас талант Ламин Ямал өзінің болашағын «Барселонамен» байланыстыру туралы шешім қабылдады.

2023 жылдан бері Каталония клубының негізгі құрамында ойнайтын 17 жастағы қанатшы «көк-гранатқа» деген адалдығын жасырмайды. Sport.es дерегіне сәйкес, Ямал үшін «Барселона» — өмірінің басты клубы, сондықтан ол блаугранамен келісімін ұзартуды шешті.

Қазіргі уақытта Ямалдың «Барселонамен» келісімшарты 2026 жылға дейін жарамды. Жасына қарамастан, футболшының трансферлік құны 150 миллион еуроға бағалануда.

Ағымдағы маусымда жас таланттың ойын өрнегі ерекше байқалады. Барлық турнирлердегі 21 матчта Ламин Ямал алты гол соғып, он екі нәтижелі пас беріп, өзінің жоғары әлеуетін көрсетті.