«Барселона» жаңартылған «Камп Ноуда» шөп төсеуді бастады

Marca мәліметінше, «Барселона» өзінің үй аренасын қайта құрудың соңғы кезеңіне — «Камп Ноу» стадионында шөп төсеуге кірісті.

Каталония клубы жаңартылған аренадағы алғашқы үй матчын Ла Лиганың төртінші турында «Валенсияға» қарсы өткізуді жоспарлап отыр — маусымның алғашқы үш кездесуін команда сырт алаңда өткізеді.

«Барселона» басшылығы құрылыс нормаларына сәйкес арена пайдалануға қажетті рұқсаттарды алып үлгерді — енді клуб жанкүйерлерді қабылдауға лицензия рәсімдеуі қажет.