«Барселона» — театр? Маноло Гонсалес Ямальдің әрекетін сынады

Marca басылымының хабарлауынша, «Эспаньол» бас бапкері Маноло Гонсалес Ла Лиганың 36-турында «Барселонадан» 0:2 есебімен жеңілген матчтан кейін каталониялық футболшылардың мінез-құлқына наразылығын білдірді.

Матчтың шешуші сәті 79-шы минутта орын алды — қонақтар қорғаушысы Леандро Кабрера алаңнан қуылды. Төреші ВАР қаралымынан кейін оның Ламин Ямальдің ішіне қолмен ұрғанын анықтап, тікелей қызыл қағаз көрсетті.

«Мұндай бұзушылық үшін бір ойынға шеттету — қисынды. Иә, Ямальмен байланыс болды, бірақ бұлай құлау үшін қатты тырысу керек. Диагональдің арғы жағында театр өнерін жақсы біледі — олар тіпті түшкіргеннен де құлайды. Бұл соққы мұндай реакцияға мүлдем лайықты емес», — деді Гонсалес.