«Барселона» «Сельтамен» ойында камбэк жасап, жеңіске жетті

«Олимпик Льюис Компанис» стадионында өткен Ла Лиганың 32-тур матчында «Барселона» «Сельтадан» 4:3 есебімен драмалық ойында жеңіс жұлып алды.

Каталониялықтар сапынан есепті 12-минутта Ферран Торрес ашты. Алайда көп ұзамай Борха Иглесиас таразы басын теңестірді — шабуылшы қақпашы Войцех Щенсныйдың қателігін ұтымды пайдаланды. Кейінірек Иглесиас хет-трик жасап, «Сельтаны» 3:1 есебімен алға шығарды.

Бірақ «Барселона» есе қайтарып, керемет камбэк көрсетті. Рафинья дубль жасап, ал шешуші сәтте — қосымша уақыттың сегізінші минутында — пенальтиден мүлт кетпей, командасына жеңіс әкелді.

Біздің парақшамыздан футбол матчтарының барлық нәтижелерін Live форматта бірінші болып біліңіз!