«Барселона» Испания Кубогының 32 дүркін жеңімпазы атанды

Испания Кубогының финалында «Барселона» мен «Реал Мадрид» командалары кездесті.

Ойында есепті «Барселона» сапынан Педри ашты — ол 28-минутта мергендік танытты. Екінші таймда алаңға шыққан Килиан Мбаппе 70-минутта айып соққысынан тамаша гол салып, есепті теңестірді. Арада көп өтпей, 77-минутта Орельен Тчуамени бұрыштамадан асырылған допты қақпаға баспен тура бағыттап, «Реалды» алға шығарды.

Алайда ойынның 84-минутында Ферран Торрес есепті қайта теңестірді. Қосымша уақытта, 116-минутта Жюль Кунде айқын мүмкіндікті сәтті пайдаланып, каталондық клубқа жеңіс сыйлады.

Осылайша, «Барселона» тарихында 32-рет Испания Кубогының жеңімпазы атанды.

Біздің парақшамыздан футбол матчтарының барлық нәтижелерін Live форматта бірінші болып біліңіз!